fuffergnadi da sittar
Has ti tschaffen d'emprender d'enconuscher in uaffen e emprender tut sur dalla segirtad e manipulaziun cun uaffens?
Lu eis ti cheu el dretg liug.
Nies Club da pistola Cadi dat a in e scadin la pusseivladad de far in'emprova u l'autra cun scolaziun.
Igl egl ei fixaus aschia sil tgiern, che quel vegn veseivels ed la mira ei empau scharfa.
Mira e tgiern fuorman ina lingia agl ur sura.
La visiera ei reglada aschia che la distanza da glisch denter il spieghel da schibettas (il ner) ed il tgiern ei tuttina sco la distanza da glisch denter la mira ed il tgiern.
Suenter l'entrada el sport da tir vesa il decuors dil moviment ora tier la gronda part dils "entscheviders" sco mussau.
Il maun meina igl uaffen da surengiu viers il center dil spieghel. Arrivada leu ei il punct per gronda part enteifer l'otg cun fugitivs.
Quei vegn entras la motorica e tecnica da fladar buca exercitada.
NEGINA tema - TRENAR GIDA
Suenter in cert temps da trenament vegn ins pli segirs ed ins ha empriu al tgierp in cert ritmus denter respiraziun e moviment.
Tier ils profis vesa il decuors dil moviment lu ora sco sill'illustraziun seniester.
Il tiradur muenta l'arma cun il tgiet al punct da pressiun, duront trer flad, da surengiu tochen tier il diesch, cheu arrivaus drova ei buca pli bia ed il siet succeda.
Cheu ei igl egl fixaus silla schiba. Cheutras resta la mira cumpleta tuorbla ed in sbagl da mira vegn cheutras buca enconuschius.
Tier quei sbagl ei pil pli negina tendenza da direcziun dallas tuccanodas da veser.
Igl aschinumnau tgiern entir ei sch'il tgiern tucca gia bunamein il spieghel, la mira vegn denton tenida ella dretga posiziun.
Il tgiern survarga igl ur sura dalla mira.
Maletg da sbagls:
- maletg da siet stretg in sper l'auter
- horizontal endretg
- vertical memia ault
Igl aschinumnau tgiern fin ei sch'igl ur sura dil tgiern schai sut igl ur sura dalla mira.
Maletg da sbagls:
- maletg da siet stretg in sper l'auter
- horizontal endretg
- vertical memia bass
L'altezia dalla mira e tgiern in encunter l'auter sco era enviers la schiba constattan bein, buca denton l'orientaziun horizontala dil tgiern.
Sco resultat setschentan tuts ils siets sin l'altezia dil diesch, denton seniester resp. dretg el rudi da 7 / 8
Tier quell'illustraziun ei la mira ed il tgiern drizzai ora perfetgamein, mo la distanza da glisch denter spieghel da schibettas (il ner) e tgiern ei memia pigns.
Cheutras dat ei in maletg da siet stretg in sper l'auter che schai denton deplorablamein memia ad ault.
Exact aschia san ins drizzar l'arma memia bass encunter la schiba. Era cheu ei in maletg da siet cumpact, denton memia bass il resultat.
